سنه حلوه عليكم

مرت الايام بسرعه وانقضي عام كامل من عمرنا ومهما كان بحلوه ومره ومهما عانينا او فرحنا في هزه السنه سوف تظل فقط زكريات البعض منا حاول نسياتها ومحوها نهائيا من حياته والبعض الاخر ابقي عليها في دفتر مخيلته والبعض الاخر قام بتسجيلها في دفتر مزكراته فلكل منا طريقته .
ولان تدخل علينا سنه جديده لا احد منا يعرف ماتخفيه لنا ولكن كل منا ينتظر وبلهفه ليخوض تجربه هزه السنه, لا اكزب عليكم ولكني في كل سنه اتخوف من قدوم السنه الجديده ليس هزا تشاؤما مني ولكنه احساس علي مااظن يطرق اي شخص منا ولكن بالرغم من زلك فاننا نتفاءل بقدوم السنه الجديده ونقوم بالتحضير لها منز انتهاء راس السنه القديمه(تقولوا شنو استعجال بس) .
طبعا اهلنا زمان ماكان عندهم راس سنه وكلام زي ده وكان الواحد بيقضي راس السنه في سريره وكان سالته الليله يوم كم يكون ماعارف( كان مااخاف الكزب).
لاادري من اين جاء هزا الاسم (راس السنه) ولمازا لم يسمي با اول السنه هل ياتري للسنه راس فاطلق هزا الاسم عليها ؟! عزرا لخيالي الواسع بس بيني وبينكم اسم حلو.
لكل منا طريقته للاحتفال بهزا اليوم فالبعض منا يفضل قضاءه في البيت والبعض الاخر خارج البيت وفي ناس مجانين كده عندهم طريقه براهم وهي رش المويه والبيض والطماطم ماتعرف الفكره في كده شنو كان لموا البيض ده والطماطم دي ماكان سوت حله وعشتهم بس اوع تغلط وتمشي شارع المطار او تطلع من عربتك اصلا حاتتبهدل وفي ناس ناوين ليك من اسا يمكن يكون بيقرا في موضوعي ده دي وصيه بس من اختكم ماكنتوشه.
مااطول عليكم بس حبيت اقول ليكم يارب تكون سنه 2010 سنه حلوه عليكم وانشاء اللله تكونوا حققتوا كل الممكن وبعض المستحيل وبتمني ليكم 12 شهر 52 اسبوع و365 يوم 8960 ساعه من التقدم والنجاح والسعاده وكل زول يحقق البيحلم بيهو.

ماكنتوشه كتب:
وفي ناس مجانين كده عندهم طريقه براهم وهي رش المويه والبيض والطماطم ماتعرف الفكره في كده شنو كان لموا البيض ده والطماطم دي ماكان سوت حله وعشتهم بس اوع تغلط وتمشي شارع المطار او تطلع من عربتك اصلا حاتتبهدل وفي ناس ناوين ليك من اسا يمكن يكون بيقرا في موضوعي ده دي وصيه بس من اختكم ماكنتوشه.
.

او حاجة كل سنة وانتي طيبة
وحمد الله عالسلامة (كنتي مختفية وييين؟)

ثم
وفي بامناسبة ناس عندهم طرق برااااهم كدا الله لاوراك ليها
شكلنا حانرجع لي ايام زمان اسنة دي وننوم خفااف

(تخريييييمة)
البيض وكمل
بس اوعى يلاقيني زول حايم منكم ....

وكل سنة وانتو طيبين

Mr.lonely كتب:

ماكنتوشه كتب:
وفي ناس مجانين كده عندهم طريقه براهم وهي رش المويه والبيض والطماطم ماتعرف الفكره في كده شنو كان لموا البيض ده والطماطم دي ماكان سوت حله وعشتهم بس اوع تغلط وتمشي شارع المطار او تطلع من عربتك اصلا حاتتبهدل وفي ناس ناوين ليك من اسا يمكن يكون بيقرا في موضوعي ده دي وصيه بس من اختكم ماكنتوشه.
.

او حاجة كل سنة وانتي طيبة
وحمد الله عالسلامة (كنتي مختفية وييين؟)

ثم
وفي بامناسبة ناس عندهم طرق برااااهم كدا الله لاوراك ليها
شكلنا حانرجع لي ايام زمان اسنة دي وننوم خفااف

(تخريييييمة)
البيض وكمل
بس اوعى يلاقيني زول حايم منكم ....

وكل سنة وانتو طيبين

والله تقولوا شنو الظروف قاسيه .
اها كملتوا البيض حاتقبلوا علي شنو الله يستر بس شكلوا كده ماقصرت في راس السنه وربنا يديك العافيه وجدع بيض كل سنه

miss Independant كتب:كل سنه وانت طيبه ماكنتوشه

وسنه سعيده عليك وان شاء الله تكون افضل من السنه الفاتت ..

تفائلوا بالخير تجدوه

اها راس السنه دي ناويه تقضيه وين؟


تخريمه
وينك مختفيه

والله راس السنه قضيتوا في بطانيه كلب وانتي وين اوع تكوني جدعتي
تخريمه
والله بس تقولي شنو عارفه الظروف براك

الرائعه ماكنتووووووووشه لك التحيه وحقيقة هذه اشياء دخيله علي مجتمعنا السوداني الذي تاثر الي حد بعيد بالفضائيات وصار يحاكي ربما كل شي

ولكن اذا احتفلنا بها في منازلنا ووسط الاهل فاري انه لا باي بذلك لانها تجمع كل الاسرة التي ربما لا تجتمع مع بعضها الا في المناسبات ويندر ان يجلسو مع بضهم البعض ويتسامرون ويتفقدون بعضهم اما هذه الاشياء التي تحدث في الشارع العام فانها لا تشبهنا ولا تشبه عاداتنا وتقاليدنا التي لا يوجد لها مثيل

كل الود لك