جيـــــــــل الزمن ده

الموضوع جميل

انا شايف انو كل جيل بشوف انو زمنو العاش فيهو شبابو هو احسن زمن واجمل فتره
بس انا عندي وجه نظر في الموضوع ده انا شايف انو شباب اليومين ديل مظلومين بقي اهلهم والزمن عليهم نمسك جانب جانب
الاسره زمان كلمه الاب كانت مسموعه في البيت اسي كل زول بي جازو
الحله زمان كان كل فريق ليو كبير او عمده الناس بتحترمو وتقدرو وهو بقضي ليهم امورهم والشوره عندو اسي بقي كل زول بقي جاري وراء معايشو
المدينه كانت معتمديات منظمه وكوادر مدربه ومافي لفح
هسي كل زول لاعب لي صالح ورقو
التعليم كان مجاني ورغم كده ماكان بواصل تعليمو الا اولاد الذوات اسي كل من هب ودب شايل ورقو وحايم ومالي جيبو قروش
الصحه العلاج كان مجاني رغم قله عدد الاطباء والحكماء والمستشفيات منظمه ونظيفه واسي رغم من زياده الكوادر الصحه يصحوها تصحه وتنقلب علي صفحه
التجاره زمان كانت حقت ناس معينيين اسي كل زول شايل دفتر شيكاتو وحايم
التربيه زمان كانت ميه ميه لكن في حاجات في الزمن داك ما كانت تعتبر عرفا"عيب وحرام
زي شرب الخمر مثلا" كان عادي اسي في وعي وصحوه ووازع ديني واللبس برضو زمان اخير هسي اظن فصل الدين عن الدوله مستوره بي النسبه لي زمان
والحلاقه الهسه بشاكلو الناس الكبار فيها دي زمان في تقليعات اخير هسه
شباب الزمن الزمن ده متفوقين بي التكنلوجيا والعولمه
قايتو دي ملاحظاتي النشوف اخرتها
وبرضو تقول لي زمان
عمك الحكيم

da king ازيك
موضوع يستحق النقاش شكرا" لطرحه
مشاركه الحكيم اروع
بمشي وبجيكم راجعه
لكم مني كل الود