اخذ وقفة وراجع حساباتك

بسم الله الرحمن الرحيم[right]


طبعا ياشباب نتكلم علي الاغلبيه

في ظاهره عقوق الوالدين

قال تعالي وبالوالين احسانا) كماقال عليه افضل الصلاه واتم التسليمامك ثم امك ثم امك ثم ابوك)

و الناس بقت تضايق اذا ابوك اوامك اتكلمو معاك في غلطه عملتها اوغير كده الواحد يقعد يزهج ويقول( كرهتونا البيت ) و الكلام دا لو مافي مصلحتك مابتكلمو معاك .. علي فكره انت البتخليهم يتكلمو معاك انت ليه ماتكون صااااح؟
الواحد لو امو عادت ليو الكلام مرتين يقول ليك دي( لهلاهه ) يعني كلاما كتير او بتكرر الكلام
ولو في خرف الواحد يقعد يزهج في كلمه مثلا( عليك الله هسه دا وكتو) انت ليه ماتتذكر وانت صغير ياما سهرو معاك وانت عيان ليه مازهجو ...؟؟
يجرو بيك من دكتور لي دكتور يقيفو بيك الليل كلو ... هسه لو في واحد منهم عيان(الله يديهم العافيه) هل قاعد تصحي معاو بالليل ؟ الواحد يصحا الصباح يقول ليهم ساهرتو بينا كرهتونا النوم
وابوك يطلع من الصباح في(شمس..مطره..سخانه ) هو شغال عشان انت تاكل يوم واحد قلت الحمد لله وانت مبسوط...؟ طوااااااالي في حاله دا شنو كل يوم ملاح........... كرهتونا الاكل ... ياخ في ناس مالاقين اياكلو ...
بتتعلم في احسن المدارس قول الحمد لله في ناس خلو القرايه وطبعا لاسباب كتيره زي(ظروفم مابتسمح ) وانت ابوك تعبان يلقط في القروش عشان تقرا وانت ماعاجبك
ولمن يقولو ليك اقرا تزهج كرهتونا القرايه القرايه القرايه قول الحمد لله دي فرصه في ناس مالاقينها
ابسط شي ياشباب المرسال دا فيهو شي..؟
الواحد يرسلو يزهج اي شي انا قاعد براي في البيت دا يعني الحيترسل منو...امك؟ ابوك؟
ياشباب حقو الناس تحسب حسابات كتيره قبل ماتتصرف اي تصرف غلط في حق والديك وكن عارف انهم اذا مادايرين مصلحتك مااتكلمو معاك
ويارب نكون من البارين بوالدينا ويكونو راضين عننا اجمل شئ ....
يقول رسول الله صلى الله عليه وسلم: "ألا أنبئكم بأكبر الكبائر؟ قلنا: بلى يا رسول الله. قال: الإشراك بالله، وعقوق الوالدين..."الحديث.

وعن المغيرة بن شعبة رضي الله عنه عن رسول الله صلى الله عليه وسلم قال: "إن الله عز وجل حرم عليكم عقوق الأمهات، ووأْد البنات..."الحديث.

فالعقوق محرم قطعًا مذموم شرعًا وعقلاً.. فما معنى العقوق؟

يقول العلامة ابن حجر رحمه الله: العقوق أن يحصل لهما أو لأحدهما أذىً ليس بالهيِّن عُرفًا.اهـ.

ويكون هذا الإيذاء بفعل أو بقول أو إشارة، ومن مظاهره مخالفة أمر الوالدين أو أحدهما في غير معصية، أو ارتكاب ما نهيا عنه ما لم يكن طاعة، أو سبهما وضربها، ومنعهما ما يحتاجانه مع القدرة ... وغير ذلك.

وقد اتفق أهل العلم على عدِّ العقوق كبيرة من الكبائر.

يقول الله عز وجل: (وَقَضَى رَبُّكَ أَلا تَعْبُدُوا إِلا إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلاهُمَا فَلا تَقُلْ لَهُمَا أُفٍّ وَلا تَنْهَرْهُمَا وَقُلْ لَهُمَا قَوْلاً كَرِيماً)[الإسراء].

فانظر كيف نهى عن الإيذاء بالفعل أو بالقول حتى ولو كان كلمة "أفٍ" التي تدل على الضجر.

إن عقوق الوالدين الذي ظهر وانتشر وتعددت أشكاله وألوانه ليدل على انحراف خطير في المجتمعات عن شريعة الله تعالى التي جعلت رضا الله في رضا الوالدين وسخطه سبحانه في سخطهما، كما في الحديث: "رضا الرب في رضا الوالد، وسخط الرب في سخط الوالد". والتي جعلت الجنة تحت أقدام الأمهات فلن يدخل الجنة عاقٌ لوالديه،ففي الحديث: "ثلاثة لا ينظر الله إليهم يوم القيامة: العاق لوالديه، والمرأة المترجلة، والديوث.وثلاثة لا يدخلون الجنة: العاق لوالديه، ومدمن الخمر، والمنان بما أعطى".

كما إن العاق لوالديه يعرض نفسه لدعاء والديه عليه، ودعاؤهما مستجاب فقد ورد في الحديث: "ثلاث دعوات مستجابات لا شك فيهنَّ: دعوة المظلوم، ودعوة المسافر، ودعوة الوالد على ولده".

ومن صور العقوق أن يتسبب الولد في سب ولعن أبويه أو أحدهما؛ فعن عبد الله بن عمرو رضي الله عنهما قال: قال رسول الله صلى الله عليه وسلم: "إن من أكبر الكبائر أن يلعن الرجل والديه". قيل: يا رسول الله! وكيف يلعن الرجل والديه؟ قال: "يسُبُّ الرجل أبا الرجل فيسب أباه ويسب أمه فيسب أمه".

ومن كان هذا حاله فإنه يعرض نفسه للعنة الله تعالى،فقد روى الإمام مسلم في صحيحه عن علي بن أبي طالب رضي الله عنه أن النبي صلى الله عليه وسلم قال: "لعن الله من لعن والده...".الحديث[/right].

(وَقَضَى رَبُّكَ أَلا تَعْبُدُوا إِلا إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلاهُمَا فَلا تَقُلْ لَهُمَا أُفٍّ وَلا تَنْهَرْهُمَا وَقُلْ لَهُمَا قَوْلاً كَرِيماً)[الإسراء].

وبالوالدين احسانا.....

ولي عودة