مساطيل كميه

مصطول مشى الصيدلية يشترى لامو دواء جه راجع لقاها ميتة قال:شوف السخيفة دى
قاليك مرة فى وحدة هبلة خلاس جا ابوها من المستشفى قاليها جاك اخو صغير
قالت ليهو بذمت؟ما تقول لامى خليها مفاجاة
**************
قاليك مسطول بيحكي لصاحبه المسطول
والله يامعملم امبارح مشيت لي سماره اشيل ليك معاه الفاتحه في ابوه المات
التاني قاليه ياخي الناس ديل مامسيحيين
قاليه ماعشان كده كشحتهم ليك ياايها الكافرون لمن امنو
**************
مسطول مشى لاصحابو قال ليهم انا ما بعرف اشاغل علموني قالوا ليهو تعرف
النسوان ديل ما بجو إلا بالسياسة قال ليهم اوكي دى بسيطة يلا ماشي في الشارع كدا شاف وحدة قال ليها اها يا حلوة اخبار دارفور شنو؟
*************
مسطول مرتو قالت ليهو:'وأنا بصلي الكديسة أكلت عشاك.. قمت دقيتها قامت جارية'.

قال ليها: 'ما مشكلة بكرة بجيب ليك كديسة تانية
*************

مسطول واقف فى كبرى حنتوب إنسطل سطلة شديدة شاف النيل الأزرق راجع لوراء ناحية مدنى ماناحية الخرطوم قال لو إتكلمنا يقولوا مجنون ولو سكتنا مدنى تغرق
************
مسطول ولدوعمرو 6 شهور عيان شديد وداهو الدكتور الدكتور قال ليهو الولد دى (بسنن) قال للدكتور دي ولادة اخر زمن انا ذاتي متوقع حاجه ذي دي

************
.. أتنين مساطيل ماشين في الطريق يوم الجمعة لقوا مسجد دخلوا يصلوا .. الأمام إتأخر .. الناس شافوا واحد من المساطيل عندوا دقن كبيرة قالوا ليهوا قوم أخطب وصلي بينا .. صاحبنا قام طلع المنبر خطب وبعد داك صلى .. وطلعوا من المسجد ..
أها قام سأل صاحبوا قال ليهوا أها خطبتي كيف ؟
صاحبوا قال ليهوا والله كويس جدا بس عندك تلاتة غلطات بسيطة :
الأولى : عمر البشير دا ما كان حاضر غزوة بدر
والتانية : أبو جهل صاح كافر لكن ما كان في داعي تقول ود حرام
الثالثة : يا خي المنبر عندو سلم ما كان في داعي تتلب !!!!

******************
مسطول جاب لـيه نـص كـيلو لحـمة فـي البـيت

الـمره اكـلتها وقالـت لـيهو

الـكديسة اكـلت اللـحمة

قـام الشايقي جـاب مـيزان وزن الـكديسة

جـابت نـص كـيلو قـال لـلمره

طيـب دي اللحـمة كديسـتك ويـن؟؟

************

مسطول فتح مكان غاز فجّر خمسة انابيب دعاية

**************

مسطول لابس فردة جزمة بيضا والتانية سودا

واحد بشاغل فيه قال ليه

وين ياخي شنو القيافة والجزم الحلوة دي؟؟

المسطول قال ليه وحاتك عندي زيها تاني في البيت
************

مسطول واقـــف في بص شـاف بنت قـاعـــدة


قـام عــاين ليهاعـاينت ليه


أبتـسم ليها أبتسـمت ليه


غمـز ليها غمزت ليه


أشـر ليها علي المحطة نـــــزلت قعــــــــــد محلـــــها

************

مسطول إشترى ساعة سالوهو

الساعة كم؟

قال ليهم أها خلاص دايرين تكملوا الحجر

******************

عساكر مسكو ليهم اتنين مساطيل العسكري بتكلم معاهم قاليهم تعرفو انا اليوم بوديكم محل عمركم ما شفتو
المسطول بتكلم مع اخو قالي( الزول دا مودينا المسجد ولا شنو

*********
واحدة حلمانه إنو في واحد مسطول مباريها محل ما تمشي ...
قامت إتلفتت عليهو قالت ليهو مباريني وين .؟؟
قال ليها إنا عارف ..! أنا الحلمان ولا إنتي ؟؟؟

****************

واحد مسطووووول كلو ما يلمس مكان في جسمو يوجعو مشا للدكتور لقا اصبعو مكسور....

***********************

قال ليك مسطول شايل طبق بيض وماشي .. شاف ليهو قشرة موز قدامو قال الللللللله .. كدة طبق البيض اتلحس

**********************

مسطول بيسـأل صاحبه

هـا أخبار ابوك شنو؟

وفجـأة تذكـر أن أبـو صاحبـه مـتوفي

"فكمـل الموضوع وقال " لسه برضو فى نفـس القبر

****************
واحد شاف ليه جماعه قاعدين
يسطلو قالهم :حرام عليكم
قالو ليه وعليكم الحرام

**************

مسطول شال حبوبتو ومشي مدرسة البنات قال ليهم ادوني فكة

************
واحد مسطول في قسم الشرطة صدم 15 زول بسيارة
الضابط قاليهو : دا شنو العملتو دا يازول
قال: انا كنت سايق في الشارع .. فراملي فكت وفجا ظهر لي زول قدامي، صيوان عرس علي يميني و اولاد صغار علي شمالي.
الظابط قاليهو : طيب ماكان تصدم الزول البراهو.
قال ليهو: انا زاااتي قلته كدة .. لكن هو جري دخل بيت العرس!!!

*******************

المسطول مشى بيت ناس صحبو دقه الباب جاتو اخت صحبو
سألا حسن في ؟
قالت ليهو مافي
فضل واقف سرحان
قالت ليهو خلاس لما يجي بكلمو ليك
قاليها كلميهو انتي قايلاني خايف منو؟؟

**************

مسطول دقه باب بيتهم
جدو قال ليه : منو فى الباب ؟؟
قال ليهو افتح يا جدو انا حفيدك
جدو قال ليهو : حتفيدنى بى شنو ؟؟؟

****************
واحد مسطول مشي الصيدلية قال للدكتور : 'عايز لبن اطفال'.

الدكتور: 'اسمو شنو؟'
المسطول رد : 'اسمو اشرف

**********
اتنين مساطيل قاليهم العسكري ' وليه كلكم عيونكم حمرا'؟؟
قالوا ليهو: 'بنبقى لبعض

*******************

مسطول كان ماشى لقى الناس بصلوا فى (زاويه) و فارشين بروش ... قام صلى معاهم، بعد الصلاة خلصت

الناس مشت الا الامام و المسطول كان غالبو يقوم ، قام الامام قال للمسطول : 'يا ولدى يلا لفها'،

المسطول : 'يا مولانا انت جادى????

******************

وأحد مسطول راجع لبيتهم الساعة أربع صباحاً ضرب جرس الباب أختهُ فتحت الباب طاااااخ ضربها كف قاليها كنتي وين سهرانة برة البيت جاي حسه دي

********************

وأحد مسطول بيقول لصاحبه: انا حِلمت امبارح أنا وإنت بقينا فنانين ،.. أنت فنان تشكيلي ..... وأنا فنان أشكيلك

*****************

مساطيل علي شاطئ النيل وجعانين جدا .. واحد سمع صوت ضفدع ، سأل أخوه دا صوت شنو ، رد عليه صوت ضفدع .. قال له والله أنا قايلها طحنية

***************
مسطول ساكن مع عزابة
كل يوم يقوم الصباح يصلي الصبح ركعة واحده و يمشي الشغل
العزابة مستغربين شديد
رفعوا المصلاية لقوا فارش تحتها كربون

*******************
مسطول بيضرب بوهية قالوا ليهو خت الجريدة دي تحتك قال ليهم: لا لا.. كده بحصِّل

*********************

مسطول قاعد يبكي في المستشفى سألوه"خير"؟
قال :" أبدا ...الوالد شوية متوفّي

******************

مسطول قاعد مع مرتو حب يدلعها،،قاليها :انتي حمامة
قالت ليهو لأ، انا غزالة
قال ليها : المهم حيوانة