قصيدة جازفوا اللابتوب بتاعي.
3 مشترك
صفحة 1 من اصل 1
قصيدة جازفوا اللابتوب بتاعي.
مدخل:
يعني إيه لابتوب فقدتو
حاول انسى وشوف جديدك
وامشي في العزم العقدتو
إبتلاك الله البريدك
***
كان موثق لي كلامك
كان معينك وكان دليلك
كان جراب يحمل حسامك
خلي الله يكون وكيلك
النـّص:
ضربة كانت جد قوية
سببت ليَّ الأذيَّة
ضربة خشَّت في عِظامي
خلـَّت الموضوع هُلامي
***
جاني لِص وحرامي رِمَّة
جازف اللابتوب بتاعي
زول لئيم ماعندو ذِمَّة
لي دمار الأُمَّة ساعي
***
يا كريم زلزل كيانو
ما يغادر من مكانو
ياعزيز في الدنيا ذلـّو
ما يفارق لي محلو
***
بسأل الله يحِت عظامو
يرخي بصرو ويفشي سِرُّو
وكل يوم يظهر حرامو
وكل مره الناس تزُرُّو
***
يبقى زول جربان مُنَفـِّر
يبقى حايم بس براهو
جلدو بالعاهات يـِصَفـِّر
أصلو ما يلحق شِفاهُو
***
ليهو اسبوعين معايَ
فيهو حاجاتي المُهمّة
اللئيم زاد ليْ أزايَ
حقق أفكارو المُسِمَّة
***
فيهو حاجات للمدارس
فيهو لي أطفالنا فرحة
فيهو مسرح للعرايس
فقـْدو سبَّبْ ليَّ جرحة
***
فيهو للأطفال مآرب
فيهو إنتاجي المُصوَّر
فيهو جد هاردسك كارِب
دا العلم بالجد تطوَّر
***
فيهو إحساس بالمعاني
فيهو إرشادات سلامه
المديح ثم الأغاني
فيهو أنواع الدراما
***
ربي ورِّي اللص وَساعو
ربي أعلن عن اُفـُولو
وبالعدم أقطع ضراعو
وابدا إستئصال رُجولو
***
ربي يبّس كل حنانو
واقطع الصوت من أضانو
ربي أعلن لي هوانو
كل يوم يبلع لسانو
***
ربي سلط ليهو مَرْضة
في دقيقة تقرضو قرضة
ربي عطل كل حواسو
يبقى ما زول من أساسو
***
ربي أرمي اللوم عليهو
أصلو ما يتهنـّى بيهو
ربي هد في راسو أوضه
يبقى أصغر من بعوضه
***
ربي ما يغمِّض عيونو
ربي كسِّر كل سنونو
ربي أرمي عليهو صاقعه
كلّ ما يقوم تبقى واقعه
***
ربي سلـّط عين تصيبو
وبي سِراع تقطع نصيبو
ربي فش خلق الله فيهو
شمّت الأطفال عليهو
***
ربي فصّلو حته حته
وفي السرير خليهو جـِتـّه
ربي يوت خليهو صاحي
عرضه لي دقشة سياحي
***
ربي عرّضو لي أزية
لايضوق عيد لا ضحية
ربي أحرقو يبقى شيّه
وللحِدَيْ يصبح تكيّه
***
ربي عرّضو لي العقارب
كل يوم خلـّيهو هارب
يبقى مجنون سلكو ضارب
كل يوم يشبع كهارب
***
ربي سلـّط ليهو ضبعه
كل ما يقوم يلقى لبعه
ربي خت في رجلو طلقه
كل يوم ياخدلو علقه
***
تبقى كل نكباتو خالده
يندرع في كلبه والده
تنتفض تديهو قرمه
يبقى سعران ليهو خرمه
***
ربي عتـّر فيهو أصَلـَة
وفي العيون أعصِرْلو بصَلة
ربي جيب تمساح يقـُرضو
وفي الأساس ما نلقى فرضو
***
ربي سلـّط ليهو حُوته
وأصلو ما تكتِبْلو مُوته
ربي حنـِّطو في حياتو
وفي المتاحف يلقى ذاتو
***
ربي كيل نخرينو شطـّه
وبالجنازير زيدو ربطه
ربي أوجع ليهو بطنو
جيبلو موية نار أعَطـْنـُو
***
ربي تصبح روحو شارده
يـِنشَرق بي مويه بارده
ربي ما ينبَلَّ ريقو
أعدم الخير من طريقو
***
ربي ياسيد الأسامي
كاشف الهم والبلاوي
بلـّغ اللص الحرامي
يختى درب المستكاوي
***
ربي لو جا وصفـّى نيتو
من جميع الفات عفِيتو
وليهو بتمنى الهداية
والتسامح لي النهاية
***
ربي ياكاشف المعاني
أصلح الحال العلينا
ما نضوق السّرقه تاني
وما تبين آثارا فينا
يعني إيه لابتوب فقدتو
حاول انسى وشوف جديدك
وامشي في العزم العقدتو
إبتلاك الله البريدك
***
كان موثق لي كلامك
كان معينك وكان دليلك
كان جراب يحمل حسامك
خلي الله يكون وكيلك
النـّص:
ضربة كانت جد قوية
سببت ليَّ الأذيَّة
ضربة خشَّت في عِظامي
خلـَّت الموضوع هُلامي
***
جاني لِص وحرامي رِمَّة
جازف اللابتوب بتاعي
زول لئيم ماعندو ذِمَّة
لي دمار الأُمَّة ساعي
***
يا كريم زلزل كيانو
ما يغادر من مكانو
ياعزيز في الدنيا ذلـّو
ما يفارق لي محلو
***
بسأل الله يحِت عظامو
يرخي بصرو ويفشي سِرُّو
وكل يوم يظهر حرامو
وكل مره الناس تزُرُّو
***
يبقى زول جربان مُنَفـِّر
يبقى حايم بس براهو
جلدو بالعاهات يـِصَفـِّر
أصلو ما يلحق شِفاهُو
***
ليهو اسبوعين معايَ
فيهو حاجاتي المُهمّة
اللئيم زاد ليْ أزايَ
حقق أفكارو المُسِمَّة
***
فيهو حاجات للمدارس
فيهو لي أطفالنا فرحة
فيهو مسرح للعرايس
فقـْدو سبَّبْ ليَّ جرحة
***
فيهو للأطفال مآرب
فيهو إنتاجي المُصوَّر
فيهو جد هاردسك كارِب
دا العلم بالجد تطوَّر
***
فيهو إحساس بالمعاني
فيهو إرشادات سلامه
المديح ثم الأغاني
فيهو أنواع الدراما
***
ربي ورِّي اللص وَساعو
ربي أعلن عن اُفـُولو
وبالعدم أقطع ضراعو
وابدا إستئصال رُجولو
***
ربي يبّس كل حنانو
واقطع الصوت من أضانو
ربي أعلن لي هوانو
كل يوم يبلع لسانو
***
ربي سلط ليهو مَرْضة
في دقيقة تقرضو قرضة
ربي عطل كل حواسو
يبقى ما زول من أساسو
***
ربي أرمي اللوم عليهو
أصلو ما يتهنـّى بيهو
ربي هد في راسو أوضه
يبقى أصغر من بعوضه
***
ربي ما يغمِّض عيونو
ربي كسِّر كل سنونو
ربي أرمي عليهو صاقعه
كلّ ما يقوم تبقى واقعه
***
ربي سلـّط عين تصيبو
وبي سِراع تقطع نصيبو
ربي فش خلق الله فيهو
شمّت الأطفال عليهو
***
ربي فصّلو حته حته
وفي السرير خليهو جـِتـّه
ربي يوت خليهو صاحي
عرضه لي دقشة سياحي
***
ربي عرّضو لي أزية
لايضوق عيد لا ضحية
ربي أحرقو يبقى شيّه
وللحِدَيْ يصبح تكيّه
***
ربي عرّضو لي العقارب
كل يوم خلـّيهو هارب
يبقى مجنون سلكو ضارب
كل يوم يشبع كهارب
***
ربي سلـّط ليهو ضبعه
كل ما يقوم يلقى لبعه
ربي خت في رجلو طلقه
كل يوم ياخدلو علقه
***
تبقى كل نكباتو خالده
يندرع في كلبه والده
تنتفض تديهو قرمه
يبقى سعران ليهو خرمه
***
ربي عتـّر فيهو أصَلـَة
وفي العيون أعصِرْلو بصَلة
ربي جيب تمساح يقـُرضو
وفي الأساس ما نلقى فرضو
***
ربي سلـّط ليهو حُوته
وأصلو ما تكتِبْلو مُوته
ربي حنـِّطو في حياتو
وفي المتاحف يلقى ذاتو
***
ربي كيل نخرينو شطـّه
وبالجنازير زيدو ربطه
ربي أوجع ليهو بطنو
جيبلو موية نار أعَطـْنـُو
***
ربي تصبح روحو شارده
يـِنشَرق بي مويه بارده
ربي ما ينبَلَّ ريقو
أعدم الخير من طريقو
***
ربي ياسيد الأسامي
كاشف الهم والبلاوي
بلـّغ اللص الحرامي
يختى درب المستكاوي
***
ربي لو جا وصفـّى نيتو
من جميع الفات عفِيتو
وليهو بتمنى الهداية
والتسامح لي النهاية
***
ربي ياكاشف المعاني
أصلح الحال العلينا
ما نضوق السّرقه تاني
وما تبين آثارا فينا
DIOUF- عضو جديد
- عدد المساهمات : 8
نقاط : 20
السٌّمعَة : 0
التسجيل : 28/12/2009
رد: قصيدة جازفوا اللابتوب بتاعي.
قصيده قويه
ورائعه
كروعه حبيبنا مستكاوي
الله يديو العافيه
ودمت لاثراء المنتدي
ورائعه
كروعه حبيبنا مستكاوي
الله يديو العافيه
ودمت لاثراء المنتدي
محمد كمال- مشرف منتدى الحلفاية الحووش الكبير
- عدد المساهمات : 377
نقاط : 483
السٌّمعَة : 4
التسجيل : 30/03/2009
رد: قصيدة جازفوا اللابتوب بتاعي.
مشكووووووووووووووووووووور علي القصيده الرائعه
تخريمه
غايتو الحرامي الشالو ده لوسمع القصيده دي وما تاب ما اظن يتوب تاني
تخريمه
غايتو الحرامي الشالو ده لوسمع القصيده دي وما تاب ما اظن يتوب تاني
superhuman- عضو فضي
- عدد المساهمات : 110
نقاط : 132
السٌّمعَة : 1
التسجيل : 10/10/2009
العمر : 33
مواضيع مماثلة
» مكتبة الشاعر محمد محمد علي
» قصيدة امونة بت الشيخ حمد
» قصيدة من روائع محى الدين الفاتح
» قصيدة : مثقال ذرة !. - مصعب الرمادي
» قصيدة : عُصفور الجَّنة !. - مصعب الرمادي
» قصيدة امونة بت الشيخ حمد
» قصيدة من روائع محى الدين الفاتح
» قصيدة : مثقال ذرة !. - مصعب الرمادي
» قصيدة : عُصفور الجَّنة !. - مصعب الرمادي
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى