منتديات اولاد الحلفاية

انا بكرهك

استعرض الموضوع السابق استعرض الموضوع التالي اذهب الى الأسفل

انا بكرهك

مُساهمة من طرف عاشقه البنفسج في الأربعاء نوفمبر 18, 2009 3:44 am

http://www.zshare.net/audio/5461176831f3c4a4/

انا بكرهك ..
بس بكرهك ؟؟
انا بكره اليوم الصنع قلبا يكورك ويندهك
انا بكره الوطن البلم شرف الغرام المنتهك
من ياتو باب طليت علي ما كنت اصلا بشبهك
انا بكرهك
انا شلت ريدك في القليب وسقيتو من دم العروق
صنقعت دليت النجم دنقرت كبيت نور وشوق
وعصرت موية الانتظار ختيتا في وجع الحروق
وكان النتيجة تبيع هوي هو اريتو كان سويتلو سوق
انا بكرهك
من وين اجيب ليك الدموع
من وين اصنقر حيل كلام كان امنيات قلبو الرجوع
من وين اذا هتك الضلام حيل خيلي القالك شموع
لكني مجبور اطردك واقفل وراك باب الضلوع
شديت رحالاتي ومشيت وكتين هتك حيلك هواي
ارتحت في موجي ورسيت
لا حرك الموج البحر
لا صد قلبي ولا قسيت لكن طلعت خيال عشم
ضمخ رؤى الوجع المميت .... انا بكرهك
قدر اشتهاي ... انا بكرهك
قدر الغرام الكان زمان كابت مساماتي وهواي ... انا بكرهك
قدر اني ما لودت بيك كريات شراييني ودماي .... انا بكرهك
قدر اني غنيتك غناي
من وين دخلت علي مدن شاخت من الوجع الاليم
من وين طرقت جدار قلب لقح هوى العشق العقيم
من وين سخت شمسك علي .... كانت سماي مليانة غيم
فتق جراحــاتي .... فتق جراحاتي وامش
خليني في لهب الجحيم ....
انا قلت ليك ..... انا بكرهك
قدر المواسم الشادة خيل الريد عليك .... انا بكرهك
قدر المصائب الحارسة بوابات مجيك .... انا بكرهك
نفس المساحة وحجم قلبي الكان تملي بيشتهيك
بقى بكرهك
واتوكل ارحل مني فوت
حرمان علي قلبي الكلام .... كان غيرك اجتاحو السكوت
خليهو قلبي الاندفن .... تنسج عليه العنكبوت
اوخلي.... من بعدك يموت
الموت اخير......
من اني افضل في رحابك وفي رجاك
انا كنت لو غاب القمر دائما بضوي ضلام دناك
وانا كنت لو غيمك رحل .... بطلع عشان اسكن سماك
وانا كنت لو بردك نزل .... بوقد صوابعي لهب حداك
لكن منو القدر كدا ؟؟؟؟
avatar
عاشقه البنفسج
عضومشارك
عضومشارك

عدد المساهمات : 31
نقاط : 40
السٌّمعَة : 0
التسجيل : 24/10/2009
العمر : 36
الموقع : حلفايه الملوك

الرجوع الى أعلى الصفحة اذهب الى الأسفل

رد: انا بكرهك

مُساهمة من طرف nory في الخميس نوفمبر 19, 2009 5:11 am



مافى كلام يا عاشقه
وهاكى ده باقيها
والله لو انا فى محلك انسج الشمس احترام
واهديها ليك متمددا وافتح كراريس الكلام
اختار حروفى واجردا
بنبش قبور المستحيل كلمات شكر متفردا
لكن خساره على قلب حباك بلا ما يعرفك
انعل ابو القلم العلى دفتر غناك دمو انسكب
انعل ابو الشعر الغشانى وغنى فيك والفك
منعول غناى كان ما امتطييت خيلى وبقيت اتاسفك
وكتين عيونى يسوقن الشوق لى انتظارك
لما ليلى يسوق محاسنو وينهزم عندك نهارك
لما ما ابكى انهزامى عشان ابارك انتظارك
لما كوكبى ساب مدارو ورحل عشنان يسكن مدارك
كنت مالى ومالك لكن وحاتك بكهرك
ندمان على عمر معاك ضيعتو فى قفلت زمن
ندمان على دمعا" سكبتو على رضاك وبلا تمن
انا كنت بحلم فى وجودك ينكسر خاطر الشجن
لكن رضاي عليك عشم ابليس قصاد جنة عدن
كل ما يطول ليلى ويواتيه العزاب انا بكرهك
كل ما القلم يركب مصاعب الدنيا يمشى على الكتاب
كل ما الفراق كتل مضامين العشق سدالو باب
قدر العيون تلبس ما التوب الزراق تتوضا موية الانتحاب
من كل باب انا بكرهك
اتوكل ارحل من جواى
غلطان اذا قلبك هداءك قال ليك ح تفضل غناى
غلطان اذا عقلك ردخ لى ظن يقول انك حداى
والله ما فارق معاى انا كنت ناوى اجملك
وامسك مضامين اللغات من فيض حروفى اكملك
ترحل على درب العشم بذات هواى احملك
وكتين يخش قلبك جراح اقطع قلبى وادملك
ندمان منو
انا قايتو ما ندمان عليك
على كل حال انا بكرهك
عدد الحصا وعدد الرمال انا بكرهك
عدد الصواب والاحتمال
عدد الحقائق والخيال
عدد الشنا وعدد الجمال
عدد الشعر ما سن سيف الارتجال
عدد الاجابات والسؤال
عدد اللممكن والمحال
ع دما زمان قلت ليك تعال
مستوره حالى وراك فوت
يادابو ليلك همو طال


avatar
nory
الاشراف العام
الاشراف العام

عدد المساهمات : 189
نقاط : 245
السٌّمعَة : 6
التسجيل : 29/03/2009
الموقع : بين طيات السحاب

الرجوع الى أعلى الصفحة اذهب الى الأسفل

رد: انا بكرهك

مُساهمة من طرف محمد كمال في الجمعة نوفمبر 20, 2009 5:09 pm

كلمات جميله

من صاغها؟
حفظا لحقوقه الادبيه!!
avatar
محمد كمال
مشرف منتدى الحلفاية الحووش الكبير
مشرف منتدى الحلفاية الحووش الكبير

عدد المساهمات : 377
نقاط : 483
السٌّمعَة : 4
التسجيل : 30/03/2009

الرجوع الى أعلى الصفحة اذهب الى الأسفل

رد: انا بكرهك

مُساهمة من طرف عاشقه البنفسج في الأحد نوفمبر 22, 2009 3:36 am

نوري مشكور علي المرور الرائع كروعتك ...
محمد كمال
اصلا انا منزلها كصوت في الجزء الاول بصوت احدي الملقيات وكان إلقاء جميل حقاً ممكن تضغطو علي الرابط اعلي القصيده وتستمعوا ....
اما بالنسبه للشاعر فلا اعلم مجرد كلام اعجبني القاء وشعر ....
محمد مرورك مبهج علي البوست ..
avatar
عاشقه البنفسج
عضومشارك
عضومشارك

عدد المساهمات : 31
نقاط : 40
السٌّمعَة : 0
التسجيل : 24/10/2009
العمر : 36
الموقع : حلفايه الملوك

الرجوع الى أعلى الصفحة اذهب الى الأسفل

رد: انا بكرهك

مُساهمة من طرف nory في الأحد نوفمبر 22, 2009 3:43 am

الاخت عاشقه يا راقيه

كاتبة الابيات السابقه

تسمى نضال
avatar
nory
الاشراف العام
الاشراف العام

عدد المساهمات : 189
نقاط : 245
السٌّمعَة : 6
التسجيل : 29/03/2009
الموقع : بين طيات السحاب

الرجوع الى أعلى الصفحة اذهب الى الأسفل

رد: انا بكرهك

مُساهمة من طرف عاشقه البنفسج في الأحد نوفمبر 22, 2009 4:03 am

مشكور يا زوق علي المعلومه صح نضال والله كنت نسيت الاسم
avatar
عاشقه البنفسج
عضومشارك
عضومشارك

عدد المساهمات : 31
نقاط : 40
السٌّمعَة : 0
التسجيل : 24/10/2009
العمر : 36
الموقع : حلفايه الملوك

الرجوع الى أعلى الصفحة اذهب الى الأسفل

رد: انا بكرهك

مُساهمة من طرف عبدوش في الخميس نوفمبر 26, 2009 5:37 am

نورى و عاشقة مافى احلى من كده





فى الهامش :
واتوكل ارحل مني فوت
حرمان علي قلبي الكلام .... كان غيرك اجتاحو السكوت
خليهو قلبي الاندفن .... تنسج عليه العنكبوت
اوخلي.... من بعدك يموت
الموت اخير......

___________________________________
avatar
عبدوش
المراقب العام
المراقب العام

عدد المساهمات : 366
نقاط : 522
السٌّمعَة : 13
التسجيل : 29/03/2009
الموقع : دنيا الريد

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى