منتديات اولاد الحلفاية


انضم إلى المنتدى ، فالأمر سريع وسهل

منتديات اولاد الحلفاية
منتديات اولاد الحلفاية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

رد الشاعر يوسف الشوبلي علي الكوميدي محمد موسي

2 مشترك

اذهب الى الأسفل

رد الشاعر يوسف الشوبلي علي الكوميدي محمد موسي Empty رد الشاعر يوسف الشوبلي علي الكوميدي محمد موسي

مُساهمة من طرف عبدوش الثلاثاء أكتوبر 27, 2009 5:11 pm

رد الشاعر يوسف الشوبلي علي الكوميدي محمد موسي



لشاعر البطانة / يوسف القسم الشوبلي

رسالة بليغة من أهل العوض مخصوصة
للإبن الظريف ود المدن ود موسي
بدور رد السؤال لو باللغة المهموسة
فينا نقيصة ولا الصورة جات معكوسة ؟

جبتا الفتنة تعلن حرب بى جاسوسة
والسبب الفنيلةالقلت في الوسخ مدسوسة
نحن نفوسنا في بحور العفاف مغموسة
مية غمسة لاعار لا دنس لا سوسة

نحنا أهل العوض والعزة ما بنكوسا
أصحاب سمته وأصحاب فرسةً موروثة
نحنا أنعامنا بتعاف ترتع المعفوسة
ونحن جدودنا عادي بطيعوا الجاموسة

إيانا أهل العوض أهل النحاس أب رنّة
أهل البَدر ة والمهيوب وأهل الشنّة
أهل عزة وأهل سمتة وعروض ومحنة
ناس البادية ناساً عشرتن تتمنى


نحن أهل العوض حافظين عهود ما خناّ
وللجار و العشير بالشينه ما تعجلنا
بيوتنا مسيد ضيوف زمن العدم ما بخلنا
وما بصح الوليد في أعرافنا يجاهلنا


ونحنا أهل العوض والله لاتقينا ولا تبدلنا
واثبين كالأسود من واجبة ما اتماهنا
في البر في البحرتلقانا وين ما كنّا
في قمم الرجال كذب البمِس لى حصونّا


ونحنا أهل العوض في الحالي و الفات كنا
قج شرك الكلا م في مشينا ما بعطلنا
بس بوعيك أكان دقس في أصولنا ومتجاهلنا
نحسب في الجدود ستين ومن غير إنََّ


ونحنا ربّونا الشياب فوق ماما ماتعجنا
حافظين لسان حافظين كرامة أهلنا
أشبال من أسود في ضبعة ما تهجنا
سايرين سير كرام لامن نلاقي اجلنا


ونحنا ذاتنا يا ود موسي ما بواخذونا بي بنولـِّد
و الـما عندو رأي حقو يتبع ويقلد
لو ما مخـّك المخمود وحسك المتبلد
جامعة موسكو ما جابت دكاترة تولد ! ؟

ما راعيت شعور الناس شعورك فاترة
بتسيء للعزار أهل السيوف الباترة
أَمَانةً تَدخنك شطة ودموعك قاطرة
ما سمعت بالولادة أتخصصولا دكاترة !؟

نحن والله عرب وأولاد عرب لينا الشرف والعز
بنسرح بالرزق نحلب نصـُر ونجز
ويوم الحارة والعركة السلاح برز
ثابتين كالجبال الشامخة ما بنفز

المخسوفة والمرقوعة ياها لباسنا
المجلوبة والمقنية من ميراثنا
الجار والعشير من الكتف لى راسنا
في المال والعروض تخشى الملوك من باسنا

ليه يا ود موسى بتذم الرجال بالعايلة
ما بعشّوا الضيوف تحت السحابة الشايلة ؟
ما سمعت في أم همج كاكوم عقيد الزايلة ؟
ما سمعت بالنمر حرق الخديوي القايلة ؟

لكن لسانك فك يا إبني أصلو مابتستامن
تشحن في النفوس من الغبينة مُداماً
بس سمة المن مثالك في البحر بترامن
العربي إن رقص ألبل قرونن قامن

دحين ياخي رغم الغطرسة بالتمثيل وحبة كاشك
تلقى أصفارنا أكبر من مساحة داشك
شبعانين طحين من الفطير ودراشك
أخير تبعد بخاف من شوكنا يخرب شاشك

ومهما زعمت من عزة ونفخ فشفاشك
أعلم طينّا أنصح من تراب خشخاشك
شوف ليك ناس رخاس تاخد عليهم فاشك
أول غلطة كان تنيتا بنعل خاشك


دحين ياخي اولاد عرب والغير عرب
عبدوش
عبدوش
المراقب العام
المراقب العام

عدد المساهمات : 366
نقاط : 522
السٌّمعَة : 13
التسجيل : 29/03/2009
الموقع : دنيا الريد

الرجوع الى أعلى الصفحة اذهب الى الأسفل

رد الشاعر يوسف الشوبلي علي الكوميدي محمد موسي Empty رد: رد الشاعر يوسف الشوبلي علي الكوميدي محمد موسي

مُساهمة من طرف دمعات الندم الخميس أكتوبر 29, 2009 1:49 am

يسلموووووووووووووووووو عبدوش
دمعات الندم
دمعات الندم
الاشراف العام
الاشراف العام

عدد المساهمات : 572
نقاط : 722
السٌّمعَة : 7
التسجيل : 11/04/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى