إنتي ما مشتاقة ليا

من طرف **محمد كمال** الجمعة نوفمبر 13, 2009 2:24 pm

إنتي ما مشتاقة ليا
يعني ما مشتاقة ليا
ولا ماعارفه العليا
لو خلاص خليتي ريدي
يكفيني خاتمك في إيديا

ما زمان قبال أسيبك
كان فراقي يصعب عليكي
شلت جرحي وفت منك
همي بس كان كيف أجيكي
جيت بشوق الدنيا كلو
داير أحس بشوقي فيكي
بس لقيت اللهفة راحت
حتي عينيك ما عينيكي

ما زمان قبال أفارقك
قلتي لي أوعك تطول
قلبي دايما في رجاكا
المحال غير يبدل
عشت بعدك كلي زكري
امسا بطيفك واقيل
الليله قلبك لو نساني
غير عيونك وين اقبل

شلت فرحي وجيت أسالمك
قايلك إانتي تحسي بيا
إنتي ما إنتي الزمان
لامن قليبك يحضن ايديا
إانتي ما إانتي الزمان
اصلي ما مصدق عينيا
داير أفوت يا غالية منك
أبكي وأحضن في الأسيه