منتديات اولاد الحلفاية

قصيدة امونة بت الشيخ حمد

استعرض الموضوع السابق استعرض الموضوع التالي اذهب الى الأسفل

قصيدة امونة بت الشيخ حمد

مُساهمة من طرف عبدوش في السبت أبريل 04, 2009 7:15 am



أمـــــــــــــــــــونـــــه بت الشيــــــــخ أحمد

امونة بت الشيخ حمد ابوها كان
مزواج خلاص ناسب جميع أهل البلد
ميلادها كان عرسا كبير
هيبة ورقيص ماليها حد
يوم السماية اتيتمت
وحس القدر في الام نفد
جرت السنين واتفاوتت
بيناتنا ما ليهن عدد
امونة كبرت واستوت
وبقت أمل كل الشباب
وجمالها في بت ما اتوجد
في مرة رفا قليبها يوم
حبت قريب الشيخ حمد
وأظن كمان حباها هو
جوه الضلوع للخيط سرد
كم من غرام في القلوب
ولع لهيبو ما برد
خايفين عيون الناس تشوف
والخبر يملا البلد
والحب هناك عيباً كبير
لا بت تبوحبو ولا ولد
سنتين تلاتة مضت خلاص
والبت حياتها بقت ند
برضو الولد زي حالتو ديك
وقليبو داك مكتول كمد
في يوم ابوها ضحك كتير
برم شواربو بلا الاسد
ناداها امنة تعالي جاي
فوق البرش ربع قعد
قالتلو هوى جايك خلاص
وقليبها فر وما رقد
هابت عيونو قبل يقول
شافت وجيهو عليهو جد
حاج الخضر عارفاه داك
قالتلو أيوه ابو سند
جانى الصباح طالب يديك
داير نسب شيخ البلد
وانا قتلو مرحب بيك تعال
يومين تلاتة يكون عقد
راجلاً عظيم عنده القروش
عنده الحديد راقد لبد
كمان كريم واخو رجال
ماعونو فد يوم ما برد
جرت الدموع من عينا شو
وأبت تديه رد
وكتين غلب يا ناس خلاص
ولع فؤاده جمر وقد
فكر سكوت البت رضا
جاب زولو لما الناس عقد
والمال ده خمخم والحرير
تحت الرجول مدوه مد
دق الدليب صحا العيون
ما خلا فد مخلوق غمد
يوم الصفاح والناس تجوط
بالفرحة مقلوبة البلد
أمونة تبكي بكي السواد
بدل الفرح جاها النكد
وبشيشها قامت للمروق
في الزفه ما حسابها حد
كان الحبيب راقد هناك
والصدمة قاده قليبو قد
حاضن ربايتو وحيد ينوح
كم جرا للمسدار جبد
وقفت قصاده بكت كتير
لامن دميع العين جمد
قالتلو ما بيدى شىء ديل
ناس ابوى وأبو سند
أتلمو سوهو الكلام وانا
لا رضيت لا جبت رد
قال عنده مالاً مو قليل
وأبوى شاف المال سجد
وأداني للراجل العجوز
المن عروقو الدم شرد
قايلنى بسعد بالقروش
والله المراح الفات ورد
لاكن محال اسعد بلاك
كان السماء ينهد هد
بديك قلبي وروحي ليك
وبعيش هناك صورة وجسد
اتراجعت دارت تعود
لكن قليبها رجع رفض
مسكت دريباً مو غريب
كم بيه صف بنوت ورد
قاصدة البحر داير تموت
لا عيشه لا هم لا نكد
شافت مسار النيل حزين
حتى النخيل حزنان خمد
وبشيشها فككت الحرير
لا زينة لا ربيط عقد
ما دام حياتها بقت دموع
وقليبها من زولا انفرد
قالت اخير ارتاح خلاص
أرسى وشقاي القالو حد
وفي لحظة موج النيل علا
وفي جوفو غابت للأبد
[i]


عدل سابقا من قبل nory في الأحد أبريل 05, 2009 8:43 pm عدل 2 مرات (السبب : ...حجم الخط)
avatar
عبدوش
المراقب العام
المراقب العام

عدد المساهمات : 366
نقاط : 522
السٌّمعَة : 13
التسجيل : 29/03/2009
الموقع : دنيا الريد

الرجوع الى أعلى الصفحة اذهب الى الأسفل

رد: قصيدة امونة بت الشيخ حمد

مُساهمة من طرف DA KING في السبت أبريل 04, 2009 7:13 pm

تسلم عبدوش علي القصيده
avatar
DA KING
مشرف منتدى الضحك والفرفشه
مشرف منتدى الضحك والفرفشه

عدد المساهمات : 132
نقاط : 164
السٌّمعَة : 3
التسجيل : 25/03/2009
العمر : 28
الموقع : جمبك طوالي

الرجوع الى أعلى الصفحة اذهب الى الأسفل

رد: قصيدة امونة بت الشيخ حمد

مُساهمة من طرف nory في الأحد أبريل 05, 2009 4:50 am

ميه ميه
مافى كلام وتقبل المرور
avatar
nory
الاشراف العام
الاشراف العام

عدد المساهمات : 189
نقاط : 245
السٌّمعَة : 6
التسجيل : 29/03/2009
الموقع : بين طيات السحاب

الرجوع الى أعلى الصفحة اذهب الى الأسفل

رد: قصيدة امونة بت الشيخ حمد

مُساهمة من طرف ود الهندى في الخميس أبريل 16, 2009 11:46 pm

تسلم ياااااا عبدووووووووش !!
avatar
ود الهندى
مراقب
مراقب

عدد المساهمات : 405
نقاط : 536
السٌّمعَة : 14
التسجيل : 26/03/2009

الرجوع الى أعلى الصفحة اذهب الى الأسفل

رد: قصيدة امونة بت الشيخ حمد

مُساهمة من طرف cola في الإثنين نوفمبر 30, 2009 3:18 am

مشكوووووووووووووووور ياعبدوش
avatar
cola
مشرف منتدى كلمات الاغانى
مشرف منتدى كلمات الاغانى

عدد المساهمات : 172
نقاط : 209
السٌّمعَة : 3
التسجيل : 13/11/2009
العمر : 28
الموقع : من الاعماق

الرجوع الى أعلى الصفحة اذهب الى الأسفل

رد: قصيدة امونة بت الشيخ حمد

مُساهمة من طرف superhuman في الإثنين نوفمبر 30, 2009 3:47 am

مافى كلام تسلم ياااااا عبدوش.....قصيده مبالغه
avatar
superhuman
عضو فضي
عضو فضي

عدد المساهمات : 110
نقاط : 132
السٌّمعَة : 1
التسجيل : 10/10/2009
العمر : 27

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى