منتديات اولاد الحلفاية

زولة جمال حسن سعيد

استعرض الموضوع السابق استعرض الموضوع التالي اذهب الى الأسفل

زولة جمال حسن سعيد

مُساهمة من طرف عبدوش في السبت أبريل 04, 2009 7:11 am

زولة .......... كما النورس تجئ
تنزل شواطئ الالفة في الزمن الشفيف
وأنا زي مكتف في الرصيف
مربوط على حبل السفن في الظلمة والليل المخيف
بتجيني تدخلني وتقيف

·* * * * * * * * * *
شرشرت تيبان السكات على أرض رويانة وخريف
زولة .... بتعرف تدخلك ..... وتقفلك .... وتغفلك
تقعد على ناصية هواك .... وتشغلك
وأنت بتحنس غمام كي تجعلك مطرة ودعاش
طاير تحلق في السماء وأرضك فراش

هذا الفراش بيطير على نضرة رحيقا وخُضرتها ... ومحبتا .... ومحنتا
أو ضحكتها وسخريتا وتقعد تهضرب ياولد من حمتا


ولو تسألك وتحلفك في ذمتك او ذمتا
والى متى ..... هذا الجنون الى متى ؟ كل التفاصيل لمتا
هذه البنية قد أتت وأنت ذاتك كالورق
كيف تنجو انت من ذاك الغرق
من زكرياتك تنجو وين ؟
وين مهربك ...؟؟ من دفترك ...؟؟؟؟؟ من مصدرك ....؟؟؟؟ من مظهرك ....؟؟؟؟ من جوهرك ...؟؟؟؟؟؟
من حرقة الجوف والعرق

هذه البنية تفتح الروح ضلفتين
وعلى ضفتين في نهر احزان الزمن
تقعد تلوح باليدين
زولة
تخشك .... تمرقك ... عادي
ما بتقفل الباب من وراها ...... بل تساسق بين شفقتك وحرقتك ... ما بتاذنك
ما روحا نفاج غربتك
هذه البنية الساكنة أسرار فكرتك
هي الشايلة حسك وسترتك
زولة ... كما النور تجي
تنزل شواطئ الالفة في الزمن الشفيف .

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،، جمال حسن سعيد
avatar
عبدوش
المراقب العام
المراقب العام

عدد المساهمات : 366
نقاط : 522
السٌّمعَة : 13
التسجيل : 29/03/2009
الموقع : دنيا الريد

الرجوع الى أعلى الصفحة اذهب الى الأسفل

رد: زولة جمال حسن سعيد

مُساهمة من طرف الحكيم في السبت أبريل 04, 2009 5:52 pm

سلامات عبوش يارائع
القصيدة من روائع ودرر الاستاذ جمال حسن سعيد وغناء الاستاذ سيف الجامعه
وراجيين جديد ك
عمك الحكيم
avatar
الحكيم
عضومشارك
عضومشارك

عدد المساهمات : 61
نقاط : 99
السٌّمعَة : 1
التسجيل : 03/04/2009

الرجوع الى أعلى الصفحة اذهب الى الأسفل

رد: زولة جمال حسن سعيد

مُساهمة من طرف عمده في الجمعة أبريل 10, 2009 5:15 pm

مشكوووووووووووور ياراقي

عمده
مشرف القسم الرياضى
مشرف القسم الرياضى

عدد المساهمات : 450
نقاط : 520
السٌّمعَة : 8
التسجيل : 27/03/2009

الرجوع الى أعلى الصفحة اذهب الى الأسفل

رد: زولة جمال حسن سعيد

مُساهمة من طرف ود الهندى في الخميس أبريل 16, 2009 11:43 pm

عبدووووووووووش يا عنيف والله خوفتنى عديييل كدا

مشكووووووووووووووووووووووور !
avatar
ود الهندى
مراقب
مراقب

عدد المساهمات : 405
نقاط : 536
السٌّمعَة : 14
التسجيل : 26/03/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى