قصيده بعنوان تااجوج للدوش

تاجــــــــوج



تاجوج بتكْتب بالشمال
منحوتَهْ في شكل اكتئاب
بتْكحَّل الإبل النحيلَهْ
بالمشاوير النبيلَهْ
وتعشِّي ضيفان القبيلَهْ
بالأناشيد الطويلَهْ
موهوبَهْ زي كل البنات
في الأسى المنْسُوج خيال
واتخيّلَت إنو المُحلَّق حابَّهَا
تلجوج بتحْلِب من غيوم كسلا المطر
وتوزِّع القش والشجر
بتفرِّق الهم والكدر
حفيانَهْ تجري ورا السراب
تاجوج بتكتٍب بالحراب
تاجوج بتكتِب بالشمال
وبتْرتِّق التوب والنعال
وتمْرُق الهم الموكّر
في قلوب كل الرجال
تاجوج سؤال
تاجوج غزال
تاجوج مُحال
تاجوج خيال
اتخيّلَتْ انّو المحلّق ساكّهَا
بي طريق شاقِي الغمام
يا يتامي
يا غلابَهْ
شوفوا لي تاجوج زمام

رايكم شنو فيها

الله علييييو
مشكور يا سمارت

جميله جدا جدا جدا
ومشكوووور علىا لبوست

ان شاء الله تكون القصيده عجبتكم

هههههههههههههههه